Кримувер

Йошкар-Олаште илыше ӱдырамаш аваж деке унала толын. Сумкажым омса воктене коден, а омсам петыраш монден. Ик жап гыч коридорышто палыдыме пӧръеҥым ужын. Тудо сумкам руалтен куржын. Полиций пашаеҥ-влак титакан еҥым муыныт: ондак тыгай пашаланак судитлатше 36 ияш пӧръеҥ лийын.

Йошкар-Олаште илыше 39 ияш пӧръеҥ полицийыш йодмаш дене миен. Йӱдым 14 июльышто йӱшывуя пошкудо подъездыште мален. Эрдене помыжалтмеке, телефонжо верыште лийын огыл. Телефоным ты подъездыште илыше 38 ияш пӧръеҥ шолыштын улмаш.

Оршанке посёлкышто илыше 62 ияш пӧръеҥ деке банк пашаеҥ улам манын йыҥгыртеныт. Картше гыч оксам шолышташ тӧчат манын ойленыт. Тидым чактараш манын, банк картын данныйжым йодыныт. Пӧръеҥ чыла данныйым ойлен. Аферист-влак 300000 теҥгем шолыштыныт.