Куд марий священномученик кокла гыч иктыже — Сергий Стрельников. Теҥгече тудым шарныме лӱмеш крестный ход эртен.
Йӱла почеш 8 августышто республикыштына Марий Элысе православийым кучышо самырык-влакын кечыштым палемдат. Ты кечын самырык тукым крестный ходыш чумырга.
Пайрем 8 шагат эрдене Благовещения Пресвятой Богородицы соборышто Божественный литургий дене тӱҥалын. Тудым Йошкар-Оласе да Марий Элысе митрополит Иоанн эртарен.