15 июньышто Российысе Инвалид обществын Марий Элысе пӧлкажын еҥже-влак Козьмодемьянск олашке экскурсий дене миен коштыныт.
Ты гана тиде мероприятийыш Кужэҥер, Марий Турек, Медведево районла да Йошкар-Ола гыч 65 инвалид ушнен. Тышеч нылытынже – колясочник-влак. Нуно оласе кум тоштерыш начар тазалыкан еҥ-шамычлан коляске дене пурен керташ лиймым тергеныт.
Инвалид-влак Кава йымалысе этнографий тоштерыште, Остап Бендер лӱмеш сатир ден юмор тоштерыште да А.В.Муравьев лӱмеш купеч илыш тоштерыште лийыныт.
Тидын нерген шке шонымашыжым Йошкар-Олаште илыше Ольга Пасеева каласкалыш:
– Козьмодемьянскыш мый икымше гана миенам. Тиде мероприятий «Культурное наследие без границ» программылан кӧра илышыш пурталтын. Шке шотшо дене мыланем тушто оҥай ыле, мотор вершӧрым ужынам.
Умбакыже — «Кугарня» газетыште лудса.