Козьмодемьянскыште Тазалык аллей моторештын.
Тушто скейтплощадке, тренажёр ден велопарковко-влакым йӧнештарыме. Тыгак 11 теҥгылым, 12 урным, 70 понарым, ныл видеокамерым вераҥдыме, пушеҥге ден вондер-влакым шындыме.
Аллей «40 лет Октября» лӱман сад воктене верланен. Тудын кумдыкшым «Формирование комфортной городской среды» программе почеш уэмдыме. Тылеч ончыч еҥ-влак тидлан йӱкленыт.
