Шукерте огыл Кожлаер школышто семинар эртаралтын. Тушко районысо кажне школ гыч марий йылме ден литературым, ИКН-ым, тыгак руш йылме ден литературым туныктышо-влак чумыргеныт.
Район кӱкшытан методушем погынлан чолга туныктышо, спортсменке, Кожлаер школын чапшым тӱрлӧ таҥасымаште арален шогышо А.В.Иванова вуйын шоген. Аида Викторовнан руш йылме дене эртарыме виш урокшо, Ава кечылан пӧлеклалтше урок деч ӧрдыжысӧ пашаже – чылажат уна-влакын чонышто кугешнымаш кумылым ылыжтен. Виш урокышто 5-ше классым «Морфемике» тӱня дене вӱдымыж годым икшыве-влакын руш йылмым йӧратымышт, кажне урокыш куанен коштмышт, шинчаштышт йӱлышӧ сескемышт унала толшо руш да марий йылме туныктышо-влаклан раш койын. Аида Викторовна урок деч ӧрдыжысӧ пашажым пӱтынек марла эртарен.
А.В.Ивановалан тыгай сай урокшылан да урок деч ӧрдыжысӧ пашажлан таум каласена да ончыкшымат эре чолга лияш тыланена.
Елена Григорьева, Морко районысо этнокультур предметлам туныктышо-влакын методушем вуйлатышышт.
Снимкыште: Марий да руш йылмым туныктышо-влакын район кӱкшытан методушем погынышт годым.
