Водитель южгунамже правил почешак кудалам манын шона, но тыгодым тудым пудырта. Ты ситуацийым рушлаже «дорожная ловушка» маныт. Тыгай вер Российысе корнылаште шуко. Тыге водитель сай огыл ситуацийыш логалеш: автомобильым эвакуироватлат, административный штрафым пуат, аварийыш логал кертме лӱдыкшат лектеш.
Российысе корнылаште автомобилист-влаклан корно правилым пудырташ искусственно йӧным ыштыме верлам муаш да тыгай зоно-влакым писынрак кораҥдаш манын, Россий МВД-н Корнышто кудалаш лӱдыкшыдымылыкым ыштыме шотышто Тӱҥ управленийже Российысе Общественный палате дене пырля «Дорожные ловушки» информационный проектым илышыш шыҥдара, умылтара Юрист Алексей Инородцев.
Шке оласе тыгай проблемный верла нерген автомобилист-влак, посна формым кучылтын увертарен кертыт. Тудым муаш https://forms.yandex.ru/u/61697006dee61dac67bd6610/ ссылке почеш пурыман.
Закондымын вераҥдыме корно знак, тыгак кудалме корнышто кокытеланымашым лукшо вер-влак нерген уверым Госавтоинспекцийын подразделенийлашкыже колтат, тудо тиде экшыкым тӧрлатышаш. Тиддеч вара корнысо вашталтыш водительлан умылаш йӧрышӧ лийшаш.