Корным петырат

1 сентябрьыште Йошкар-Оласе икмыняр уремыште транспортлан кудалышташ чарат.

31 август 20 шагат гыч 1 сентябрь 10 шагат марте Волков уремым (Пушкин урем гыч Ленин проспект марте) петырат.

Тыгак 1 сентябрьыште 9 шагат гыч 10 шагатат 30 минут марте Комсомольский уремыште (Пушкин урем гыч Ленин проспект марте), Ленин проспектыште (Первомайский гыч Волков урем марте), Гагарин проспектыште (Ленин проспект гыч Хасанов урем марте), Хасанов уремыште (Гагарин гыч Карл Маркс урем марте), Карл Маркс уремыште (Хасанов гыч Вашский урем марте) автотранспортлан кудалышташ чарыме. Тушто шинчымаш кечылан пӧлеклалтше мероприятий эрташ тӱҥалеш.