«Безопасные качественные дороги» нацпроект Йошкар-Олаште 2019 ий годсек илышыш шыҥдаралтеш. Кум ий жапыште ятыр корным тӧрлымӧ. Тенийысе корно сезонышто оласе 15 участкыште корным олмыктеныт.
Вес ийлан Воин Интернационалист-влак уремым (Воскресенский проспект гыч Киров урем марте) корным ышташ палемдыме. Подрядный организаций дене контрактым пеҥгыдемдыме.
2024 ийлан Петров уремым (Воин Интернационалист-влак урем гыч Ленин проспект марте), Кокшайский проездым (Строитель-влак урем гыч Йошкар-Ола чек марте), Йыван Кырла уремым (Красноармейский урем гыч Бауман урем марте), Мира (Киров урем гыч Йошкар-Ола чек марте), Красноармейский уремым (113 номер пӧрт деч Йыван Кырла урем марте) Строитель-влак урем (Васильев урем гыч Машиностроитель-влак урем марте).
2021 ийыште Российысе регион-влак коклаште Марий Эл «Безопасные качественные дороги» нацпроект почеш корным сайын ыште радамыш пурен.