Корным олмыктыман, уремым волгалтарыман

Курыкмарий районысо прокуратур еҥ-влакын йодмышт почеш Козьмодемьянск ола округ администрацийын пашаштыже федеральный законодательствын йодмыжым шуктымым терген. Пале лийын: оласе Весенняя уремым пычкемыш годым тул огеш волгалтаре.

Тылеч посна Россий МВД-ын «Козьмодемьянский» ОГИБДД-ын пашаеҥже-влак дене пырля Строитель ден Весенняя уремласе автокорным тергеныт да экшык-влакым муыныт, тидыже машина-влаклан кудалаш мешаен.

Межрайонный прокурор Курыкмарий районысо судыш, Козьмодемьянск оласе администрацийым корным тӧрлаташ да уремым волгалтараш йодын, искым колтен. Суд йодмаш дене келшен. Тудо эше законло вийым налын шуктен огыл. Экшыкым кораҥдымешке, прокуратур ситуацийым терга.

Дарья Гомзина.