Марий Элыште «Лӱдыкшӧ укеан сай корно» («Безопасные качественные дороги») нацпроект почеш регионысо корным ачалаш 25 госконтрактым да верысе кӱлешлыкан корным уэмдыме шотышто 19 муниципал контрактым возымо.
Тений республикыште 200 километр утла корным ачалаш палемдыме. Кызыт тиде пашалан чот ямдылалтыт.
2022 ий январь гыч чоҥымо материалым наледат. Пытартыш увер почеш, 50 % инертный (бетоным лугашлан) материалым налме. Паша тӱҥалме деч ончыч чыла кӱлеш материалым налын ямдылат.