Кажне ийын октябрьын кумшо рушарнянже корно озанлык пашаеҥ-влак шке профессионал пайремыштым палемдат. Пайрем деч ончыч Э.Сапаев лӱмеш опер да балет театрыште кугу мероприятий эртен.
Тушто Марий Элым Вуйлатыше Ю.Зайцев кӱлешан да сай пашам шуктымыштлан дорожник-влаклан тауштен. Ты сферыште ойыртемалтше, шке пашаштлан мутым кучышо пашаеҥ-влакым Марий Эл Республикысе Правительствын чапкагазше дене палемденыт. «Марийскавтодор» АО-н генеральный директоржо Евгений Козыревлан да «Марий Эл Дорстрой» АО-н Волжскысо филиалжын автогудронын машинистше Евгений Пашунинлан «Марий Эл Республикын сулло чоҥышыжо» лӱмым пуэныт.