18 гыч 21 май марте Марий Элыште 9-ше классыште тунемше-влак тӱрлӧ предмет дене контрольный пашам возаш тӱҥалыт.
Чылаже республикыште 6 585 тунемше контрольный пашам воза. 2020-2021 ийысе тунемме идалыкыште тӱҥ кугыжаныш экзаменлан (ОГЭ) предметым ойырен налаш огеш лий. Тудын олмеш тений контрольный пашам возат. Налме отметкым класс журналышке шындат.
Республикыште эн шукын (2 тӱжем 379 тунемше) обществознанийым, эн шагалын (26 тунемше) литературым ойырен налыныт.