Таче С.Г.Чавайн лӱмеш Калыкле книгагудышто «Идалыкын эн сай книгаже – 2024» XI республикысе конкурслан старт пуалтын. Тудо 2005 ий гыч кок ийлан ик гана эртаралтеш.
Конкурс 19 сентябрь гыч 10 декабрь марте лиеш, тушко ушнаш 21 ноябрь марте йодмашым колтен шуктыман. Тушко 2023-2024 ийлаште савыктыме книга-влакым, тыгак 2022 ийыште савыкталтше да X республикысе конкурсыш ушныдымо изданий-влак вучат. Нунын Тиражышт 30 экземпляр деч шагалрак лийшаш огыл.
Мероприятийышке лӱмлӧ уна-влак миеныт. Нунылан С.Г.Чавайн лӱмеш Калыкле книгагудын директоржо И.В.Щеглова конкурс нерген каласкален. Тӱвыра, печать да калык-влакын пашашт шотышто министрын алмаштышыже И.Г.Садовин сугынь мутым каласен. Конкурсыш икымше йодмашым Марий книга савыктыш пӧртын директоржо Э.А.Иманаев «Кырык мары сӱӓн» («Горномарийская свадьба») книга-альбомлан возен.