Российысе «Векториада — 2023» VI конкурс талантан ӱдыр-рвезе-шамычым вуча. Тушко йочасадыш коштшо, школышто тунемше, студент-влаклан посна номинацийым келыштарыме.
Конкурсыш живопись, декоративно-прикладной усталык, художественный мут, прозым да почеламутым возышо, театр усталык, акробатике, гимнастике, куштымаш, циркыште шуаралтше, технике дене пашам ыштен моштышо, компьютер графике (анимаций), фотографий паша, проект да научный паша дене автор-влак ушнен кертыт. Тыгак туныктышо, воспитатель, тренер, методист да тӱрлӧ организацийым вуйлатыше-влаклан посна номинаций-влак улыт. Тушко методический разработко, научный статья, проект да научный паша дене автор-шамычын пашаштым вучат.
Конкурсыш ушнымо шотышто йодмашым vector@vectoriada.ru электрон почтыш колтыман але https://vectoriada.ru/ сайтыште электрон форматыште возыман.