20 августышто Свердловск кундемысе Красноуфимскысе тӱвыра да каныме рӱдерыште «Йылме, религий, тӱвыра» конференций лиеш.
Тудым Свердловск кундемысе марий-влакын регионысо национально-культурный автономийышт эртара. Тыгак Арти ден Ачит оласе, Красноуфим округласе марий ушем-шамыч полшат.
Конференцийыш ушнаш шонышо йодмашым ivanroj@mail.ru электрон почтыш колтен кертыт.
Мероприятий 20 августышто 10 шагатлан тӱҥалеш. Кумылан-шамычлан конференцийыш ушнымо нерген сертификатым пуат.
Фотом Интернет гыч налме.