Марий Эл да Россий тӱвыран сулло пашаеҥже Арсений Яйцов тений октябрь гыч декабрь марте Йошкар-Оласе призывной пунктышто салтак-шамычлан поро кумылан кум концертым ончыктен.
Тушто тӱнямбалысе да Юл кундемысе сем-влакым шоктен. Тыгак ончыкылык салтак-шамычлан военный тематикан муро ден марш-влакым йоҥгалтарен. А декабрьыште тыгай концертше уремыште лийын, сандене рвезе-влак чыла тидым родо-тукымышт дене пырля куанен онченыт да колыштыныт.