12 майыште Йошкар-Оласе Чарла Кремльыште Кугече ярмиҥга эртаралтеш. Тудым Йошкар-Олан да Марий Элын митрополитше Иоанн почеш.
Тылеч вара программе почеш пайрем концерт лийшаш. Ужалымашке духовный литературым, черке арверым, кидмастар-влакын сатуштым, Черке школысо воспитанник-шамычын поделкыштым да молымат луктыт. Уна-влаклан полевой кухньо лиеш. Тушто шемшыдаҥ пучымышым пукшат да шокшо чайым йӱктат.