23-27 апрельыште Йошкар-Олаште И.С.Ключников лӱмеш тоштер-пӧртыштӧ «Палантаевский апрель» тӱвыра акций эртаралтеш.
Тудо кумдан палыме марий композитор И.С.Ключников-Палантайын 138 ияш лӱмгечыжлан пӧлеклалтеш. И.С.Ключников-Палантай 1886 ийыште 23(11) апрельыште Звенигово район Какшамарийыште шочын. Марий музыкым вияҥден колтымаште шуко тыршен.
Акций годым композиторын памятникше воктек пеледышым пыштат, тӱрлӧ экскурсийым эртарат.