Марий Эл Республикын следж-хоккей дене шке сборный командыже лиеш. Тушко СВО-н ветеранже да участникше-шамычым пурташ палемдыме.
Ты шонымаш дене Марий Элым Вуйлатыше Ю.Зайцев деке «Защитники Отечества» кугыжаныш фондын регионысо пӧлкажым вуйлатыше Р.Магсумов СВО участник-влак лӱм дене лектын. Юрий Викторович темлымашым сайлан шотлен. Вет спорт салтак-шамычым тыныс илыш деке пӧртылташ кугун полшен кертеш. А нунын тидлан кумылыштым шижын, кугу сеҥымашке шуаш лиеш.
Тидыжым Ю.Зайцев ветеран-шамыч дене Йошкар-Оласе Физкультурно-оздоровительный комплексыште вашлиймыж годым пеҥгыдемден. Боец-влаклан ты комплексыште лӱмын тренажёрный залым келыштарыме, маломобильный салтак-влаклан спорт дене заниматлаш тӱрлӧ йӧным ыштыме. Тидыже тачысе саманыште моткоч кӱлешан. СВО-што кредалше да мӧҥгӧ пӧртылшӧ салтак-шамычлан умбакыжат полшаш тӱҥалыт.
Марий Элым Вуйлатышын пресс-службыжын фотожо.