Таче «Герои Марий Эл. Талешке-влак» кадр программын кумшо этапше тӱҥалын.
100 утла участник собеседованийым эртат. Иктешлымаш почеш 30 еҥан ик командым чумырат – лач нуно программе почеш умбакыже тунемаш тӱҥалыт.
Ушештарыман: «Герои Марий Эл. Талешке-влак» регионышто икымше ий илышыш шыҥдаралтеш да «Время Героев» федерал программын аналогшылан шотлалтеш. Участник-влаклан, ончыкыжым кугыжаныш ден муниципал кучем органлаште пашам ышташ манын, ойырен налаш да ямдылалташ йӧным пуэныт.