Кодшо кечылаште Рутка лесничествышке пурышо Юл эҥерын акваторийыштыже Марий Эл Республикын чодыра озанлык пашаеҥже-влак коклаште колым кучымо шотышто таҥасымаш лийын.
Чылаже кок еҥан 23 команде таҥасен. Икымше верышке Килемар лесничествын (Вячеслав Яранцев ден Василий Хлебников), кокымшо верышке Морко лесничествын (Сергей Тимофеев ден Фанис Низамиев), кумшо верышке Волжск лесничествын (Сергей Дудинов ден Михаил Смирнов) командышт лектыныт.