Советский районысо Кукмарий ялыште 6 сентябрьыште колым кучаш йӧратыше ятыр еҥым ушышо «Летний улов» республикысе колым кучымо фестиваль эртен.
Тушко Марий Турек Шернур, Кужэҥер, Медведево, Килемар, Волжский, Звенигово районла, тыгак Йошкар-Ола гыч тале колызо-влак миеныт. Тиде колым кучымо шотышто конкурс гына огыл, тыгак палыме лияш, опытым вашталташ, а эше шке шолтымо колшӱрым тамлаш сай йӧн.
Тиде фестиваль социальный проект годым Республикысе Правительствын полшымыж дене эртаралтын да тазалык шотышто экшык улман еҥ, инвалид, специальный военный операцийын участникше да нунын ешыштлан келыштаралтын.
Советский районысо администрацийын тӱшкаж гыч налме фото.