Тазыла кокыртыш деч тӱрлемшудо (подорожник) полша. 2-3 кугу совла коштымо тыгыдемдыме тӱрлемшудыш пеллитр шолшо вӱдым опталза, лугалтыза да 2-3 шагат шинчыктыза. Настойым шӱрыза да кечеш кум гана 80-100 мл дене йӱза.
Кукшо кокыртыш годым имбирь пайдале. 2 кугу совла нӱжымӧ имбирь вожыш 1 стакан сакырложашым ешарыза да лугыза, изиш вӱдым ешарыза да изи тулышто нугыдеммешке ырыктыза. Эмым пел изи совла дене кечеш кум гана йӱман.