2-15 мартыште Йошкар-Оласе 19-ше школын тунемшыже-влакын кыдалаш хоржо «Орлёнок» лагерьыште лийын.
Ты хор да вокал коллектив-влакын Российысе конкурсыштышт «Песни юности» номинацийыште кум мурым мурен да финалыш лектын. «Орлёнокыш» чылаже 45 коллектив миен, тушто 100 тӱжем тунемше лийын. Нуно кум номинацийыште таҥасеныт. 13 мартыште конкурсын финалже эртаралтын. Йошкар-Оласе 19-ше №-ан школын хоржо кокымшо верым сеҥен налын.
Хорым Марий Эл тӱвыран сулло пашаеҥже Е.Г.Кузьминых вуйлата. Тудын вуйлатыме хор 2018 ийыште «Артек» гыч 1-ше вер дене пӧртылын ыле.