2-4 декабрьыште начар тазалыкан спортсмен-влак коклаште мини-футбол дене Российын кубокшо Йошкар-Олаште эртен. Тушто Марий Эл, Чуваший, Татарстан республикла, Киров да Тула областьла гыч команде-влак таҥасеныт.
Марий Элын командыже кокымшо верым налын. Икымше – Киров область, кумшо – Тула область. Тыгак Киров областьын командыж гыч Н.Кочевым эн сайын модшо, Тула область гыч Д.Мотиным эн сай вратарь, Марий Эл гыч Н.Гаврильченком эн сай бомбардир семын палемденыт.