14-21 августышто Пошкырт Республик Салават олаште футбол дене «Кожаный мяч» Российысе таҥасымашын финалже эртен. Тушто 2012-2013 ийлаште шочшо рвезе-влак ӱчашеныт.
Марий Элын чапшым Волжск оласе «Волжск» команде арален. Турнирыште элнан 16 регионжо гыч команде-влак лийыныт. Мемнан рвезе-влак кокымшо верым налыныт, икымше верым Амур областьын футболистше-влак суленыт. «Волжск» командын спортсменже ден тренерже-влакым шокшын саламлена!
Интернет гыч налме фото.