Ончычсо жап дене таҥастарымаште, республикыштына онкологий черлан кӧра илыш дене чеверласыше-влак шукемыныт. Черым тӱҥалтыш стадийыште пален налаш манын, Марий Эл медучреждений-влаклан «Борьба с онкологическими заболеваниями» региональный проект полшымо дене кок видеоколоноскопым налме.
Марий Эл Республикысе тазалык аралтыш министерствын пресс-службыжын увертарымыж почеш, оборудований-влак Республикысе онкологий диспансерыште да Республикысе клинике эмлымверыште лийыт.