Марий Элысе кок техникумышто у мастерской-влакым почыныт.
Арде селасе профессиональный техникумлан ты сомыллан республикысе бюджет гыч 11,8 млн теҥгем ойырымо. Тыге автомобильым олмыктымо, кузовым тӧрлымӧ паша да сваркым ыштыме технологий кум мастерскойым у оборудований дене пойдарыме. Тидлан кӧра 10 у паша вер лектын, кызытсе жаплан келшыше 38 у оборудованийым налме.
Марий Турек посёлкысо Ялозанлык механизаций техникумышто «Эксплуатация сельскохозяйственных машин» учебно-производственный комплексым почыныт. Тидлан 18,3 млн теҥгем ойырымо. Ынде студент-влак тунемме дене пырля предприятий-партнёр-влакын заказыштымат ямдылен кертыт.
Марий Элым Вуйлатышын пресс-службыжын фотожо.