Марий Турек районышто Хлебниково да Мариец школлаште сентябрьыште естественно-научный да технологический направлениян «Точка роста» рӱдерым почыт. Ты пашам «Образований» нацпроектын «Современная школа» федеральный проектше почеш илышыш шыҥдарат. Кызыт тушто пашам мучашлыме. Туврашым, кабинет-влакын пырдыжыштым чиялтыме, электровоштырым вашталтыме, вӱдпучым да канализаций сетьым ачалыме. Ты пашам шукташ верысе бюджет гыч 600 тӱжем теҥге ойыралтын. 15 августышто у мебельым вераҥдаш тӱҥалыт.