9-13 ноябрьыште Краснодар крайысе Сочи олаште начар тазалыкан еҥ-влак коклаште «Стальная воля-2022» футбол дене Всероссийский таҥасымаш эртаралтын. Тушко Российын 26 регионжо гыч 600 утла еҥ миен. Мини-футбол дисциплиныште шым пöръеҥ да ныл ÿдырамаш команде лийын.
Пöръеҥ-влак коклаште Марий Эл гыч команде кумшо верыш лектын. Икымшыш Моско область гыч команде лектын, кокымшыш – Моско оласе «РГСУ».
Ӱдырамаш-влак коклаштат Марий Эл гыч ÿдыр-влакын «Виктория» командышт кумшо вер дене палемдалтын. Эн виян семын Дагестан Республикысе команде ойыртемалтын, кокымшыш – Моско оласе «РГСУ».
«Командын икоян улмыжлан кöра сеҥыше радамыш лектын кертынна. Чот таҥасаш логалын, эмганыше-влакат улыт. Тидын деч посна ок лий», – палдарыш футболистке Людмила Новосёлова.
Л.Новосёлован архивше гыч налфме фото-влак.