Пермь крайысе Соликамск олаште 23 ияш марте спортсмен-влак коклаште греко-римский кучедалмаш дене Юл кундем федеральный округын первенствыже эртен.
Тушто 13 регион гыч шӱдӧ утла спортсмен таҥасен. Марий Элысе Олимпийский резерв училищын тунемшыже-влак Ислам Гильхаев ден Михаил Шаханов той медальым сеҥеныт. Тренерышт – Артур Садыков ден Игорь Калинин. Рвезе-влак ынде Российысе первенствыште таҥасаш тӱҥалыт. Тудо апрельыште Комсомольск-на-Амуре олаште лиеш.