Советский районышто Кугече арняште (рашрак каласаш гын 7 майыште) кок кумалме верым почмо.
Яҥгранур ден Пивактын почиҥга коклаште Вӱд-Ава Кугу Юмылан кумалме у верым да Яҥгранур ял воктене Ӱян Агавайрем кумалме верлам угыч почмо. Чот ожно тушто кумалтыш-влак лиеденыт.
А кызыт, нине вер-шамыч реестрыш пурталтмеке, районышто 82 кумалме верым шотлаш тӱҥалыт. Икымшышкыже тений кеҥежым мелна кышыл, ош туара, пура шорва, немыр дене кумалаш лектыт. А весыштыже саска, мӱкш, кинде илян-шамычлан вуйым савен, мелна кышыл, торык когыльо дене Агавайрем Юмылан 14 сентябрьыште кумалшаш улыт.