Тений кеҥежым Марий Элыште «Большие семейные выходные» проект илышыш шыҥдаралтеш. Тудым Ешын идалыкшылан пӧлеклыме. Проект почеш кок кугу мероприятий лиеш.
Иктыже – «Марийское лето с Движением Первых» (1-2 июньышто, 29-30 июньышто) фестиваль. Тушто мастер-классым, квестым, квизым, спорт модмаш-влакым эртарат.
А 28-29 сентябрьыште «Мы – туристическая семья» республикысе туристический фестиваль лиеш. Йоча ден ача-ава-шамычлан тӱрлӧ мастер-классым эртарат. Нуно калык модмаш, велотуризм, спорт ориентирований, икымше полышым пуымо да моло теме дене кылдалтыт.