Чуваший гыч самырык пӧръеҥым Козьмодемьянскыште илыше кок ковам ондалымылан титаклат.
Полицейский-влакын палемдымышт почеш, Козьмодемьянскыште илыше 71 ияш кова 170 тӱжем теҥгелан ондалалтын. Тудын телефонышкыжо пуйто йолташ ватыже йыҥгыртен да корно туткарыш логалынам, окса кӱлеш манын ойлен. Мӧҥгыжӧ толшо курьерлан кова оксажым пуэн колтен. Жап эртымеке веле тудо ондалалтмыж нерген умылен.
Тыгаяк схеме почеш Козьмодемьянскыште илыше 87 ияш кова ондалалтын. Ӱдыржым уголовный дела деч утараш шонен, тудо 161 тӱжем теҥгежым палыдыме енлан луктын пуэн.
Интернет гыч налме фото.