15-16 сентябрьыште Йошкар-Олаште «Танцуй и пой, моя Россия» калык да сценический сымыктышын VI всероссийский фестивальын отборочный туржо лийын.
Тушто республикысе 15 йоча коллектив шке мастарлыкыштым ончыктен. Тышеч 11 коллективше — Марий кундем гыч. Тыгак Удмуртий, Чуваший, Угармаг кундемла гыч да Курск ола гыч участник-влак толыныт. Конкурс Э.Сапаев лӱмеш опер да балет театрыште эртаралтын.
Ынде 8 декабрьыште Марий Элын чапшым Москошто Кремльыште Курыкмарий гыч «Шыжарвла» ден Медведево район гыч «Весела кумыл» аралышаш.