Ешыште кок але утларак йоча уло гын, 2021 ийлан налог декларацийым пуышаш огыл, пачерым (пӧртым) ужалыме доход гыч налогым тӱлышаш огыл. Тыгодым икмыняр условийым шуктыман:
налогым тӱлышӧ еҥ але тудын пелашыже ийготыш шудымо (очно тунемыт гын, 24 ияш марте йочан) кок але утларак йочан ачаже але аваже лийшаш улыт;
у пачер тоштыжым ужалыме ийынак налме лийшаш але вес ийжын 30 апрель деч вара огыл;
налме пачерын кумдыкшо але тудын кадастр акше ужалыме деч кугурак лийшаш;
илыме верым ужалыме жаплан ны гражданин, ны тудын йочаже-влак ӱмбалне вес илыме вер лийшаш огыл, кудын кумдыкшо налме пачер деч 50 процентлан кугурак.
Ты у вашталтышым 2021 налоговый идалыкыште погым ужалыме годым шотыш налман.