28 июньышто Уфа олаште Россий да Беларусь регион-влакын Х форумыштышт лийын. Тушто торгово-экономический кыл шотышто мутланеныт.
Марий Элым Вуйлатыше Ю.Зайцев Беларусьын Российыште Полномочный Посолжо Д.Крутой дене вашлийын. Марий Эл ден Беларусь коклаште кодшо ийысе внешнеторговый оборот 41 млн долларыш шуын, регионна гыч сату экспорт – 27,9 млн долларыш. Марий кундем тушко оборудованийым, электромашинам, шем металл гыч арвер-влакым колта. Тушеч мемнан деке механический устройствым, парфюмерийым, косметикым кондат.
Марий Элым Вуйлатыше туризм, транспорт, ялозанлык технике шотышто товарооборотым кугемдыме нерген ойлен да Дмитрий Крутойым республикыш ӱжын.
Тыгак Ю.Зайцев Федераций Советын Председательже Валентина Матвиенко ден Беларусь Республикын Национльный собранийжын Советшын Председательже дене вашлиймаште лийын