Эртыше кечылаште Нижний Новгород олаште кыдалаш профессионал шинчымашым налше студент-влакын «Большая перемена» Российысе конкурсыштын IV тургымжын финалже лийын.
Тушко элнан 63 регионжо гыч 600 наре еҥ ушнен. Марий Элын чапшым «Политехник» кӱшыл колледжыште тунемше Дарья Кузовкова да И.С.Палантай лӱмеш тӱвыра да сымыктыш колледжын студенткыже Дарья Пыхтеева араленыт.
Кудымшо тургымын конкурс этапше-влак «От мечты к свершениям» темылан пӧлеклалтыныт. Участник-шамыч эн кугу шонымашышт нерген каласкаленыт, тудым илышыш шыҥдараш команде дене пырля икымше ошкылым ыштеныт, тыгак тӱрлӧ элыште илыше-шамычын шонымашыштым шукташ полшымо нерген каҥашеныт. Икмыняр заданийже «Память поколений» темылан пӧлеклалтын ыле.
Ты конкурсышто Дарья Кузовкова I степенян лауреат лийын, тудлан 1 млн теҥгеаш призым пуэныт. Дарья Пыхтеева II степенян лауреат лӱмым налын, тудлан 200 тӱжем теҥгеаш призым кучыктеныт.
Марий Элысе Образований да науко министерствын сайтше гыч налме фото.