Мый ик сай йолташем дене лийше историйым каласкалынем. Тудо 35 ияш таза пӧръеҥ, ешан. Пелашыж дене ныл эргым ончен куштат. Йолташем контракт почеш пашам ышта, ик частьыште спецтехникын водительже. Тӱрлӧ осал деч лӱдмыж нерген ме, лишыл йолташыже-влак, сайын палена. Садлан тудын ончылно тыгай нерген пешыже огына каласкале.
Икана йолташемым вес олаште верланыше частьыш командировкыш колтеныт. Тушко ятыр меҥге лиеш. Кудалмыж годым ик олаште йӱдлан родыж деке малаш пурен. Тунам тудын пелашыже азам ышташ тӱҥалын улмаш. Икымше йочашт ныл ияш ӱдыр лийын. Икшывым нигӧ дене кодаш, садлан йолташемым йоча дене шинчаш йодыныт. Йолташем икшывым кас кочкыш дене сийлен, йомакым лудын да малаш пыштен. Ӱдыр малымыж годым таза йӱкын воштылаш тӱҥалын. Ты йӱкеш йолташем помыжалтын да тудын пӧлемышкыже каен. Йоча кроватьыштыже шке семынже модын шинчылтын. Молан от мале йодмыжлан, кочам дене модам манын. Йолташемын капыштыже улшо кажне ӱп пырчыже шогалын, тунар лӱдын. «Могай коча? Кушто тудо?» йодыш-влак йоҥгеныт. Тидланже ӱдыр яра вер олмым ончыктен. Йолташем йочам налын да роддомыш кудалын. Конешне, родыжо-влак тидлан чот ӧрыныт, манын.
Игорь П.
У Торъял район.