Кужэҥер районышто Коҥга пазар пайремлан изижат-кугужат ямдылалтыныт.
Теве Йӱледӱр селаште илыше Илья Светлаков фотосӱрет конкурсышто участвоватлен. Тидлан Йӱледӱр тӱвыра пӧртын пашаеҥже-влак (вуйлатышыже – Людмила Александровна Романова) селаште мотор коҥган суртым лӱмынак кычал коштыныт. Фотосӱрет сеҥыше радамыш логалын.
Илья кызыт 6-шо классыште тунемеш. Артист койышан, кумылзак рвезе.
Светлаковмыт еш тӱрлӧ мероприятийлаште участвовала. Ондак суртоза Владислав Степанович Светлаков эре Йӱштӧ кугыза лийын гын, тений – Йошкар-Оласе технологический колледжыште тунемше Иван эргышт.
Эльвира Терентьева.
Людмила Романован фотожо.