«ГОСТ» позывноян землякна шке книгажым лач тыге лӱмден – «Как я погиб под Бахмутом».
Марий Элыште илыше да ондак судитлалтше пӧръеҥ «Вагнер» ЧВК дене идалыкат пелылан контрактым подписатлен. Штурмовик лийын, тыгодым Артёмовск ола воктене ик эн лӱдыкшӧ да тале кредалмашке – Бахмутысо мясорубкышко – логалын. Нелын сусырген, сандене икмыняр тылзе тудым йолташыже-влак колышылан шотленыт.
Кызыт пӧръеҥ – реабилитацийыште. Сандене боевой йолташыже-влакын подвигышт нерген каласкалымашым шке порысшылан шотла. Шке книгажым «Памяти героев верны!» Российысе творческий конкурсыш колтен.