8 сентябрьыште Чын возымо кече палемдалтеш. Сандене С.Г.Чавайн лӱмеш книгагудо Почмо омса кечым эртара.
Толшо кажне еҥлан лудмо билетым оксам тӱлыде пуат. Тыгак фото да художественный выставке, экскурсий лийыт.
Тылеч посна книгагудын технический да естественно-научный литератур пӧлкажын уэмдыме сынжым ончыктат. «Поделись своим Знанием. Новые горизонты» Российысе акций кышкарыште «Грамотный человек – исключение или правило» лекций 12 шагатат 45 минутлан тӱҥалеш. Тудым палыме филолог Сергей Журавлёв лудеш.
