Киярым шодыртатен кочмо чемпионат

Фотом img-cdn.tinkoffjournal.ru сайт гыч налме.

14 августышто Юрино районышто регион кокласе «Васильевский кияр» фольклор фестиваль лиеш. Мероприятий Васильевское селан кечыштыже эртаралтеш. Лач тиде селам Марий Элын Киярын рӱдолажлан ойырынешт.

Кажне кумылан еҥ киярым шинчалтыме мастарлыкшым ончыктен кертеш. Кӧжын шинчалтыме киярже утларак шытыр-шытыр йӱкым луктеш? Тидым ончен, аклаш тӱҥалыт.

Пайремыш толшо уна-влакым тыгак тӱрлӧ конкурс вуча. Нуным «Васильевское села — Черке — руш илыш-йӱла дене кылдалтше эре пашам ыштыше экспозиций» турист маршрут дене коштыктат.