Кияр росота тӱрлӧ амаллан шуяланен кертеш: волгыдо ок сите, кушкылым утыждене чӱчкыдын шындыме, пӧлемыште чот шокшо, азотан ӱяҥдышым шукырак оптымо але вӱдым чӱчкыдын шавыме.
- Кияр росотам кечывалвел окнаш вераҥдыме дене гына серлагаш ок лий, пӧлемыште 12 шагат деч утларак волгыдо лийшаш, садлан фитолампым чӱктыман.
- Кияр нӧшмым ӱдымӧ годым коклаштышт 5 см деч шукырак верым кодыман. Кажне росота посна атыште кушкеш гын, сайрак.
- Кияр росотам кушташ келшыше температур 22 але 23 градус леве. 25 градус деч шокшырак гын, росота шуяланаш тӱҥалеш.
- Ӱяҥдышым изин гына ешарыман, кияр озым сайын кушкеш гын, азотан ӱяҥдышым ешарыдеат лиеш.
- Атысе рок кукшо лийшаш огыл, тыгодым утыждене шуко вӱдымат шаваш ок лий – кушкыл шуялана.
freepik сайт гыч налме фото.