Кодшо ийын Совет Ушем Герой Сергей Романович Суворов нерген В.П.Мосолов лӱмеш краеведений тоштер (Марий Турекыште верланен) да режиссёр Иван Герасимов «Киндлат тукымын геройжо» кинофильмым сниматленыт.
Таче геройын шочмо кечыже. Тудо 99 ий ончыч 7 октябрьыште шочын да 1942 ий 17 июльышто колен.
19 ияш рвезе геройла кредалын да вуйжым пыштен. Тек ила тудын нерген шарнымаш курымеш!
Кинофильмым Российысе конкурсышто кӱкшын акленыт. Тидын нерген «Кугарня» газетын 8 октябрьысе номерыштыже лудса.
