Кодшо арнян ТЮЗ ден молодёжный театр-влакын «Волжская сказка» регион-влак кокласе VI фестивальыштышт Марий самырык театр «Звёздный блин» йомакым ончыктен.
Фестиваль Чувашийысе М.Сеспель лӱмеш театрыште (ТЮЗ-ышто) эртаралтын. Йомакым марий фольклор негызеш ямдылыме. Угинде пайрем вашеш Кова команмелнам кӱэштам манын куандара. Тидлан шурным тӱшкан погат. Но ты пашалан Курныж, Дудюк лӱман Таргылтыш да Кикимора (тудак Кики) мешаят. Фестивальыште Надежда Ибашеван Кикин рольжым устан модмыжым «Эн сай эпизодический роль» номинаций дене палемденыт.
Фото-влакым соцсетьла гыч налме.
