Карелийысе «Кижи» тоштер-заповедникыште «Молочные реки кисельные берега» ончер почылтын.
Тушто Руш Йӱдвелысе йӱлам ончыктышо керамике гыч ыштыме 50 утла пого уло. Туддене Карелийыште, Каргапольышто, Архангельск ден Вологда областьлаште илыше-влак пайдаланеныт. Нунын коклаште кисельлан, куличлан, моло кочкышлан формо ден моло керамике настам ончыктат. Тыгак художник-колллекционер М.Максимовын погымо керамике ӱзгарже путырак шкешотан.
