Мыйын шонымаште, эн кугу вий – тиде иза-шольыла келшен илымаш. Шочмо элым аралышын кечыж вашеш салтак альбомем гыч ик фотом луктым да Совет Армий радамыште мемнан, тӱрлӧ калыкын эргыже-шамычын, шке порысым шуктымынам, келшен илымынам шарналтышым.
Тиде фотом 50 ий ончыч Польша территорийыште ыштыме. Ончыл радамыште (шола гыч пурлашке) Виталий Юркин (удмурт), Радик Салихов (татар), Александр Кривоносов (руш) улыт, покшелне – Шая Зиберман (еврей). Шеҥгел радамыште – Автандил Чхаидзе (грузин), Василий Александров (мый марий), Генрик Бабаян (армянин).
Айста тӱрлӧ калык умбакыжат келшен илаш тӱҥалына. Тек осал чакна, да мемнан салтак-влак Сеҥымаш дене пӧртылыт.
Муналмаш Вачий.
Морко район.