25 сентябрьыште Пошкырт кундем Мишкан селаште эртралтше Марий форум годым тысе «Марий чодыра» историй да тӱвыра паркыште кум тумым шындыме. Изи тумо-влак Марий кундемысе отышто кушкыныт, а ынде Пошкырт мландеш кумда вожым колтен тӱзланат. Нуно марий-влакын илыме кок кундемым ушен шогышо келшымаш пушеҥге лийыт.
Ик тумым Марий Эл Правительстве председательын икымше алмаштышыже М.Васютин ден Башкортостан Республикын премьер-министржын алмаштышыже А.Бадранов, весым Башкортостан Республикын тӱвыра министржын икымше алмаштышыже Н.Лапшина ден Мишкан район администрацийым вуйлатыше П.Трапезников, кумшо тумым Марий Элысе Марий юмыйӱла ушемым вуйлатыше А.Бирюков да Пошкырт кундемысе Марий юмыйӱла ушемым вуйлатыше Г.Пастиев шынденыт. Кум тумо – кум кыл: кучем, йӱла да калык. Тек мемнан коклаште тумо гаяк пеҥгыде келшымаш лиеш! Да тек чыла пашана пырля ик шӱлыш дене да куштылгын шукталтеш!
П.Трапезников ден А.Ибулаевын фотошт.