Мый кудымшо классым тунем пытарышым. Кеҥеж каникул тӱҥале веле, Кораксола ялыш коча—ковам, Роза Николаевна ден Валериан Изосимович Ивановмыт, деке кайышым. Ковам сурт сомылкам ыштен шога, а кочам мӱкшым онча. Мый Кораксола клубышко коштам. Тушто кажне кеҥежым «Кече» лӱман сводный отряд пашам ышта. Кажне кечын 16 йоча чумырга. Юрий Романович Александров мыланна зарядкым ыштыкта. Вероника Геннадьевна ден Татьяна Ананьевна тӱрлӧ таҥасымашым, модышым эртарат. Футбол дене поснак модаш йӧратена. Кажне кечын мыланна пӧлекым кучыктат. Тыге ме жапнам пеш сайын эртарена.
Регина Григорьева, Морко посёлкысо 2-шо №-ан школ.
